Service Type: Tagħrif Ġenerali Dwar is-Servizzi2

Meta l-Atti Nutarili jinġabru dawn jiġu maħżuna fl-Arkivju bl-aħjar mod possibbli. Tingħata attenzjoni sħiħa għal manutenzjoni ta’ dawn il-volumi. L-Arkivju Nutarili Prinċipali għaddej bi pjan ħolistiku sabiex fis-snin li ġejjin il-volumi jingħataw trattament ta’ disinfestazzjoni u jidħol il-kunċett li l-volumi jiġu viżitati kemm jista jkun onlajn u mhux fiżikament.

Il-klijent jingħata servizz fil-ħin bi proċessi ssimplifati. L-Uffiċċju tan-Nutar tal-Gvern kien proattiv f’dan is-settur billi issimplifika l-proċess ta’ ordnijiet ta’ kuntratti permezz ta’ sistema onlajn, liema proċess irreduċa bi 80% ta’ nies li kienu jiġu fiżikament fl-Arkivju.

L-Uffiċċju tan-Nutar tal-Gvern jippromovi lill-Arkivju Nutarili b’partiċipazzjoni attiva għat-twettiq ta’ promozzjoni tal-Arkivji Nutarili ma’ entitajiet oħra f’dan is-settur inkluż l-Arkivju Nazzjonali ta’ Malta.

Il-proċess ta’ diġitalizzazzjoni tal-atti Nutarili beda fis-sena 2019, u l-ħsieb hu li l-Arkivju Nutarili Prinċipali jkollu l-Atti kollha onlajn.

L-Uffiċċju tan-Nutar tal-Gvern huwa kommess li jingaġġa nies mħarrġa professjonalment fis-settur tar-restawr tal-karta sabiex jiġu rrestorati il-volumi nutarili antiki u kif ukoll it-tiswija jew rilegar ta’ volumi oħrajn skont kif ikun meħtieġ minn żmien għal żmien;

In-Nutar Prinċipali tal-Gvern jaġixxi bil-liġi bħala Nutar Konservatur għal dawk in-Nutara li jkunu ġew nieqsa, jew li rrinunzjaw għall-warrant, jew ġew miżmuma milli jipprattikaw il-professjoni Nutarili.

B’kollaborazzjoni mal-Kunsill Nutarili, l-Atti kollha tan-Nutara fuq bażi annwali jiġu reviduti minn tim ta’ reviżuri sabiex jiġi aċċertat li l-kuntratti kollha huma in konformi mal-liġi u li l-kuntratti ġew irreġistrati skont il-liġi.

Jeżisti servizz lil persuni li jkunu qegħdin jagħmlu riċerka  għal skopijiet purament storiċi, letterarji jew xjentifiċi. Dawn il-persuni għandhom jissottomettu applikazzjoni għal dan il-għan. Meta tingħata l-approvazzjoni minn Nutar Prinċipali tal-Gvern, u dejjem jekk ikunu ġew osservati kundizzjonijiet oħrajn, ir-riċerkaturi inkwistjoni jiġu eżentati mill-ħlas ta’ drittijiet li normalment jintalbu sabiex wieħed ikun jista’ jara atti nutarili. Huma jgawdu wkoll minn rati ta’ ħlas imnaqqsa għal servizzi ta’ fotokopjar mogħtija mid-Dipartiment.  Riċerkaturi u studjużi jingħataw aċċess għal numru ta’ volumi b’sistema ta’ appuntamenti privati.

Hekk kif il-volumi tal-Atti Nutarili jiġu ddepożitati fl-Arkivjju Nutarili Prinċipali, dawn jiġu ndiċjati u mqegħda fi xkaffar addatat u f’ambjent addatat bil-miżuri kollha ta’ sigurta` meħtieġa sabiex jitħarsu minn danni kkawżati minn nar, serq jew ċirkostanzi oħra;