X’inhi prokura?

Prokura hija dokument legali li jawtorizza persuna oħra, imsejħa mandatarju, sabiex jaġixxi għan-nom tal-persuna li tkun għamlet il-prokura, imsejħa l-mandant, f’każ li l-mandant ma jkunx jista’ jieħu d-deċiżjonjiet neċessarji huwa jew hija stess.

Kif intemm Prokura Ġenerali jew Speċjali għal proprjeta` immobbli?

Ir-revoka ta’ dawn il-prokuri hija biss applikabbli:

1. fir-rigward ta’ prokuri magħmula bejn persuni; għaldaqstant, kumpaniji, entitajiet eċċetra huma esklużi;
2. fir-rigward tal-prokuri ġenerali kollha bejn persuni;
3. fir-rigward ta’ prokuri speċjali li jkunu dwar proprjetà immobbli. Għalhekk, prokuri speċjali dwar immobbli jew prokuri magħmula għal tranżazzjonijiet bankarji (eż. sabiez jissarrfu ċekkijiet tal-pensjoni) huma esklużi. Fil-każ tal-aħħar, dawn ikunu jridu jiġu revokati billi wieħed jinnotifika l-banek rispettivi.

Tkun trid timtela waħda minn dawn iż-żewġ formoli pprovduti mill-Uffiċċju tan-Nutar tal-Gvern. Il-formoli huma: Formola RPG (Revoka ta’ Prokura Ġenerali) jew Formola RPS (Revoka ta’ Prokura Speċjali). Fiż-żewġ każijiet trid tiġi ppreżentata l-karta tal-identità ta’ min qiegħed jirrevoka. Fil-każ tal-Formola RSP tkun trid tipprovdi kopja tal-prokura speċjali partikulari li tixtieq tirrevoka.

Ħlas
Jintalab ħlas ta’ €50 għal kull applikazzjoni li tiddaħħal.

Żmien għall-Ipproċessar
L-Uffiċċju tan-Nutar tal-Gvern jipproċessa l-applikazzjonijiet kollha onlajn mit-Tnejn sal-Ġimgħa (minbarra l-festi pubbliċi) sat-15.00. Il-lista ta’ applikazzjonijiet tiġi aġġornata onlajn kuljum.

Dikjarazzjoni ta’ Caħda ta’ Responsabbiltà
L-Uffiċċju tan-Nutar tal-Gvern ma jkunx responsabbli għal kwalunkwe użu ta’ prokuri fi kwalunkwe ġurnata fejn xi applikazzjoni għar-revoka ta’ tali mandati ma tkunx ġiet imdaħħla onlajn sat-15.30.